Գլխավոր էջ Ակադեմիայի մասին Նախագահություն Կապ մեզ հետ
«Մարդը բոլոր իրերի չափանիշն է»
Պրոտագորաս Աբդերացի
ՀՀ գիտությունների ազգային ակադեմիայի արվեստի ինստիտուտ

Երևանի հյուսիսային համալսարան

Փիլիսոփայության միջազգային ակադեմիա

Տիգրան Չուխաճյան հիմնադրամ1

Նորություններ
28.10.2020
Հումանիզմի պրոբլեմների ակադեմիայի նախագահ Գ.Ե.Ասատրյանի զեկուցումը՝ Պատմական հիշողությունը և արդի քաղաքական գործընթացները թեմայով միջազգային գիտա-գործնական հեռավար կոնֆերանսին

2020թ. հոկտեմբերի 28-ին Երևանում տեղի ունեցավ «Պատմական հիշողությունը և արդի քաղաքական գործընթացները» թեմայով միջազգային գիտա-գործնական հեռավար կոնֆերանսը: Կոնֆերանսը կազմակերպել էր Գ.Վ.Պլեխանովի անվան ռուսաստանյան տնտեսագիտական համալսարանի Երևանյան մասնաճյուղը: Կոնֆերանիսի համակազմակերպիչներից էր Հումանիզմի պրոբլեմների ակադեմիան:

Կոնֆերանսի աշխատանքներին մասնակցեցին հայտնի գիտնականներ ու երիտասարդ հետազոտողներ ինչպես Հայաստանից, այնպես էլ աշխարհի տարբեր երկրներից՝ Ռուսաստանի Դաշնությունից, Լեհաստանից, Հունգարիայից, Գերմանիայից, Իսրայելից և ԱՄՆ-ից:

Կոնֆերանսին ընդառաջ ձևավորվել էր կազմկոմիտե, որի կազմում Հայաստանից ընդգրկված երեք գիտնականների թվում էր Հումանիզմի պրոբլեմների ակադեմիայի պրեզիդենտ, Հյուսիսային համալսարանի գիտական հետազոտությունների, նորարարական ծրագրերի և հետբուհական մասնագիտական կրթության կենտրոնի ղեկավար, փիլիսոփայական գիտությունների դոկտոր Գրիգոր Ասատրյանը:

Բացման խոսքով հանդես եկավ Հումանիզմի պրոբլեմների ակադեմիայի նախագահության անդամ, Գ.Վ.Պլեխանովի անվան ռուսաստանյան տնտեսագիտական համալսարանի Երևանյան մասնաճյուղի ամբիոնի վարիչ, սոցիոլոգիական գիտությունների դոկտոր, պրոֆեսոր Արմեն Սահակյանը:

Կոնֆերանսի մասնակիցներին ողջունեց Գ.Վ.Պլեխանովի անվան ռուսաստանյան տնտեսագիտական համալսարանի Երևանյան մասնաճյուղի տնօրեն, պատմական գիտությունների թեկնածու Թամարա Վարդանյանը:

Կոնֆերանսի առաջին զեկուցումը Հումանիզմի պրոբլեմների ակադեմիայի պրեզիդենտ Գրիգորի Ասատրյանի «Արդի սոցիալ-քաղաքական պրոցեսների հումանիստական չափումը» բանախոսությունն էր, որը նվիրված էր արդի սոցիալ-քաղաքական գործընթացների՝ մեր դարաշրջանի հրատապ պահանջմունքների, հասարակական առաջընթացի իմմանենտ օրենքների, ժամանակակից հումանիզմի հիմնարար սկզբունքների և հիմնական արժեքների հետ համահնչունության հարցի ուսումնասիրությանը: Բանախոսը քննական վերլուծության ենթարկեց հումանիզմի առավել վտանգավոր հակոտնյաները՝ նոր հազարամյակի մարտահրավերներն ու սպառնալիքները:

 

 

 

 

Վերջին
հրապարակումներ
Վերջին
նախագծեր
Copyright © 2017-2020 humanist.am